NEWS-MIZO

☼Arunachal Missions Field Director Evan Jh Zahluna Deputation chu a lo tawp tak avang leh Andamna lama a thawh dawn a vangin Rev.V.L Dika Sailo, gen. Director chuan Director Charge hi a la mek


☼Dt 25/12/2010 Krismas ni khan Along, Arunachal M/F Hqrs-ah mi 11 ten Isua hmingin baptisma changin mithar 7 an tel. Dt 2/1/2011 Pathianni khan Along hmunah hian Lalpan mithar 4 min pe leh a, Isua hmingin baptisma an chang nghal. 

☼Dt 26/12/2010 Pathianni khan  Chumu kedima leh Dimapur (Dimapur M/F, Nagaland)-ah mithar 1 ve ve ten Isua hminga baptisma changin UPC an zawm thar bawk.

☼Dt 27/10/2010 khan Lankapara, North Bengal Sikkim M/F -ah hmeichhe pakhat ramhuaiin a tihbuai thin damlo chu UPC rawngbawltuten a kawchhûnga ramhuai an hnawtchhuak a, he hmeichhia hian damna a chang.

North Bengal Sikkim M/F chhûnga kohhran (Local) 8 ten Targhera  Biak inah a huhovin Krismas an hmang a, an hlim hle. Krismas ni khan Hindu 1 Lalpan min pe leh a; tin, Dt 2/1/2011 Pathianni khan Birpara hmunah Hindu 1 Lalpan min pek belh leh bawk a, mithar 2 te hian Isua hmingin baptisma an chang nghal.

☼January 23, 2011 hian Kolkata khawpuia local 3 te tan Revival Meeting buatsaih a ni dâwn a, Rev. K.Dârsailova, Gen. Supdt, Rev.C.Lalhming thanga, Aizawl East District leh Rev. BD Williams, Chandel District ten an hmanpui ang.


☼Dt 17-19/12/10 chhung khan Athibung PYD buatsaihin Athibungah Crusade hlimawm tak neih a ni a, speaker Sis. Vanlalrawni B/W, Lunglei chu Lalpan a hmang hle.

☼Dt 19/12/10 Pathianni atang khan Lamlo, Tirap District, Arunachal Pradesh Missions Field-ah Crusade neih a ni a, Evan C.Thandawla, Manigong rawngbawlna a ropui hle a, Crusade hi chhunzawm zel a ni.


☼ Athibung khua, Dimapur Missions Field-a kan missionary, Evan P.C Zion Rammawia rawngbawlna atangin mithar 5 kan nei ta. Heng mithar 5 te hi Bhuddist sakhua zuitute niin Missionary lak thar Evan.PC Zion Rammawia rawngbawlna atangin Lal Isua leh a pathianna hriain UPC-NEI an rawn zawm ta a ni.

☼ Tato, Arunchal Field hmuna thawktu Evan Durga Lalramchhana chuan Tato hmun thleng tawhin in luah tur a  zawng mek a, tunah hian Tato hmuna UPC mi leh sate a bel mek. Ani hian a report danin Kristian ni lo Chhungkaw 3 velin Isua Pathianna hriaiin kohhran an rawn zawm hnai niin a sawi.

☼ Jaigaon, North Bengal Sikkim Field-a missionary dah thar S.R Lalhualhima chuan in luah tur tha tak, thla khata Rs 2000.00 man chawi tur chu a hmu fel ta a, ani hian inluahah hian insuan lut felin rawngbawlna a tan ta. 
           North Bengal Sikkim Field Hqrs Birpara Qtrs bula mi, Thawktu qtrs pawh sak zawh fel niin Missionary Evan Lallianbuangan a luah lut fel ta bawk.

☼ Kachugaon, Assam Missions Field-a thawktu Evan Hrangliankhuam chenna tur Quarters chu sak zawh fel a ni ta a, ani pawh hian a luah fel tawh bawk.

☼ Changlang District, Arunachal hmuna thawktu Evan Cht.Lalramnghaka chuan Diyun khuaah kohhran mi leh sate la belin in luah tur a zawng mek. Ani hi Missionary lak thar zinga mi kha niin Changlang-ah hian a awm dawn a ni.

☼ Arunchal Field Hqrs Along (Aalo pawh an ti tho)-ah Kohhran (local) 1-a lawi ho thin chu member te an lo pun tak deuh deuh avang leh hmasawn leh zualna a nih beiseina avangin local pahnihah then an ni dawn ta a. Along kohhran atanga indang tur hi LIKA POTO kohhran tih a ni dawn a, tunah hian Biak In tur sak mek a ni.

☼ Arunchal Field Hqrs bul lawka awm, mi thahnem ngai te thawhlawm tlingkhawm atanga sak PRAYER CENTRE chu sak zawh fel tawh niin a HAWNNA hun buatsaih thuai a ni dawn a. July thla hian hawn tura ruahman lailawk a ni a, remchan zawkna avangin hun remchang hmasa berah hawn a ni ang.