MEMBER THAR 5 KAN NEI LEH TA

Dt 30th January 2011 khan Kanthalguri, Demaji Section, Assam Missions Field-ah HINDU atangin mi 5 ten Isua hminga baptisma changin UPC an rawn zawm thar leh ta. Heng mi tharte hi Pastro James Lawrence Joute, Field Director in baptisma a chan tir a ni.

KOLKATA REVIVAL MEETING HLIM TAKA HMAN A NI

Dated 23.January.2011 pathianni khan Kolkata khawpuia local pathum Dum Dum, Bhatanagar leh Howrah kohhrante tana buatsaih REVIVAL MEETING chu hlim takin Santragachi hmunah hman zawh a ni ta. He revival meeting na tur hian Chandel District te chuan sum thahnem tak an thawh a ni.

Rev.K.Darsailova, General Supdt. chu he meetingah hian speaker niin Rev BD Williams, Chandel Dist Supdt pawhin a hmanpui a, Rev Lalhmingthanga, AED pastor pawhin a telpui bawk. Revival hmangtute tisa leh thlarauah an hlawkin inpumkhatna thazawk a thleng ngei a beiseiawm hle a, hlim takin Revival meeting hi kham lo tak chungin an hmang liam ta ani.

PBC FIELD CONFERENCE NEI DAWN

General Missions Department hnuaia Missions Field pakhat Pang Bawm Chakma Missions Field chuan dt 28-30.January.2011 chhung hian Chawngte L ah Field Conference an nei dawn a, Rev.V.L Dika Sailo, General Missions Director-in a hman pui ang

RAMTHIM A MI TEN AN AU CHE

Ramthim ram roah i kal thei lo a ni mai thei. Mahse, nangmah kher kal lovin, i sum leh pai hmangin rawng i bawl thei.

Thlarau bo pakhat tal i chhanhim loh chuan Van khawpuiah i kal ngam dawn em ni? Thawktute an ril tam loh nan, i sum leh pai hmangin ei tur rawn pe rawh le.

UPC Office, Ramhlun South
Gen. Missions Department
Aizawl - ah hian eng tik lai pawhin kan lo dawngsawng thei che.

Missionary thar tirhchhuah ten an awmna hmun pan mek

General Missions Department hnuaia lak thar Missionary thar te chuan an awmna hmun tur an thleng tawh a, inluah tur zawng mek te la awmin thenkhat erawh chuan an awmna hmun tur tak an luah fel thei lo

EVAN PC ZION RAMMAWIA: Dimapur Missions Field, Athibung hmuna awm tur Evan PC Zion Rammawia chuan Athibung hmun hi thleng tawh in theih ang tawkin rawngbawlna a nei tan tawh a. A rawngbawlna atangin Isua hminga baptisma chang pawh an awm tawh a ni.

EVAN Cht LALRAMNGHAKA: Changlang, Arunchal Field-a Missionary hna thawk tur tirh Evan. Cht-a hian Field Hqrs lamah report a pek hnuin a thawhna tur changlang hmun tur hi athleng tawh a, in luah tur a zawng mek a ni.

EVAN DURGA LALRAMCHHANA : Evan Durga hi Tato, Arunachal Field-a awm tur niin a thawhna tur hmun hi a thleng tawh a ni.

SR LALHUALHIMA : North Bengal Sikkim Field chhunga Jaigaon hmuna awm tur SR Lalhualhima hian a thawhna hmun turah hian in luah tur a zawng mek a, hun remchang hmasa berah a insuan lut ang. Jaigaon hi India leh Bhutan inri na khua pawimawh tak niin UPC ni lo pawl dang pawhin missionary tam tak tir lutin Bhutan ram luh tum Missionary te he hmunah hian an awm tam hle bawk.

KAN MISSIONARY TE TAN NITIN ZAN TIN TAWNGTAI ANG CHE
" An ril tam loh nan leh ei tur an neih ve theih nan i SUM leh PAI kha hlan ta che'